Ametx erakundeari eskaera

                                                                                        Ametx erakunde autonomoa  

                                                                                                     Zelaieta Parkea 

                                                                                              48340  Amorebieta-Etxano

                                                                                                             Bizkaia

                                                                       Amorebietan, 2012ko martxoaren 7an.

   

    Ametx erakundeko zuzendari hori:

Gutun honen bidez Urritxe BHIko 1LDko ikasleok zugana jotzen dugu, eskakizun bat egiteko asmoz.

 

    Zornotzako liburutegiak dituen zerbitzu ugarietako bat, 2.solairuan dauden gela txikiak dira, wi-fi sarea eta ikasteko mailak dituena, hau da, talde-lanak egiteko leku aproposa, baina arazoa da 18 urtetik beherakook erabilera debekatuta dugula.

  Kontua da, institutuan talde-lan ugari bidaltzen dizkigutela, eta ez dugula non egin, adin nagusikoak ez garelako.

 

    Zerbitzu publikoak ez lirateke denon eskura egon behar?

 Badakigu zerbitzu batzuetan adin muga ezarri behar dela, baina ikasketen arloarekin zerikusia duen zerbitzu publiko batek guztiz publikoa izan beharko luke, inongo muga barik,  16 urte nahiz 19 izanda, ikasteko eskubide bera baitugu.

   Unibertsitateek nahiz zikloetako zentroek liburutegia dute, eta Zelaietako ikasgelek eskaintzen duten zerbitzu bera eskaintzen dute, gure institutuak aldiz ez, horregatik, gela horiek erabiltzeko premia handian gaude.

    Beraz, aldez aurretik gela horiei erabilera egokia emateko erantzukizuna hartzen dugu, eta gure eskaera kontuan izango duzulakoan, eskerrak ematen dizkizugu.

    Adeitasunez,

                                                            1LDko ikasleak.

Eskaera gutuna

                                                                                                                                           

                                                                                       Zigor Martinez

                                                                                     Enplegu-Bulegoa

                                                                          Amorebieta-Etxanoko Udala

                                                                                                                    

Zuzendari agurgarria:

 Durangaldeko egunkarian irakurri dudan iragarkiari erantzuteko idazten dizut. Bertan, udan izango diren  udalekuetarako monitoreak eskatzen dira, eta lan horretarako aproposa naizela uste dudanez, zugana jotzen dut.

 Iragarkiak azaltzen zuenez, udalekuak Larreako ikastetxean izango dira, ekainaren 25etik uztailaren 16ra eta egunez nahiz gauez egoteko monitoreak behar dira. Ikasketak maiatzean bukatzen ditudanez, egun osoa eman nezake bertan, beraz ordutegiarekin ez daukat arazorik.

  Lan honetarako esperientzia behar dela eta, monitoretza titulazioa daukat eta pasadan urtean, Aste Santuan, institutu bateko ikasbidaiko monitore izan nintzen, beraz, ume nahiz gazteekin konpondu naiteke.

 EGA eta First hizkuntza tituluak dauzkat eta Frantsesarekin ere ez naiz gaizki konpontzen, hortaz, kanpotarrekin harremanetan jartzeko pertsona egokia naiz.

 Gutun honekin batera nire curriculuma bidaltzen dut, esandako guztia bat datorrela ikus dezazun.

 Beste barik , zure erantzunaren zain nagoela, agurtzen zaitut

  Eva Gámez

Amorebietan, 2014ko maiatzaren 4ean